跳繩比賽計分 - 花式項目

跳繩比賽分為花式同速度兩大項目，運動員係賽場上使出渾身解數去爭取最好成績，咁到底佢地係跟據咩準則去評分嚟一決高下呢？係國際跳繩聯合會(IJRU)成立後，整合咗一套以難度、表演、元素為原則嘅計分方法，比教練跟據運動員嘅能力同風格去編排屬於佢地嘅一套花式。以下簡單分享花式項目嘅計分方法：

---

難度 (Difficulty)

IJRU將各種難度嘅花式由低至高分為level 0.5 -8, 由簡單嘅交叉繩、腳步動作、二重跳、三重跳以至六重跳，再加入唔同嘅配搭去令每個唔同嘅動作都有相應嘅評分。令運動員有清晰嘅方向去練習需要做嘅花式。

---

表演 (Presentation)

一項較為主觀嘅評分，裁判會跟據運動員如何演譯佢地套花式嘅表現嚟評分，包括表演時嘅姿態、流暢度，音樂運用同娛樂性等，因此編排花式嘅時候教練亦要從觀眾同裁判角度考慮點去編排一套「好睇」嘅花式。

---

元素 (Required Elements)

比賽每一套花式入面，都需要滿足必要嘅元素去避免扣分，考驗運動員嘅能力之餘亦提高比賽嘅公平性。以下為個人繩同交互繩嘅必要元素：

個人繩花式項目

• 4個不同多重跳

• 4個不同力量或體操動作

• 4個不同繞繩或放柄動作

• 4個不同合作花式（只於團體賽適用）

交互繩花式項目

• 4個不同擺繩動作

• 4個不同力量或體操動作

• 4個不同合作花式（不適用於3人交互繩項目）

---

扣分 (Deductions)

愈高水平嘅比賽，運動員需要做愈高難度嘅花式，自然會承受更高嘅風險。係比賽入面，每一次嘅失誤、出界同超時都會被扣分，其中出界或超時後運動員完成嘅任何花式都不會計算難度分，必須要返到比賽場地才會繼續計算之後嘅花式分數。而係團體個人繩花式項目入面，若果有兩個運動員同時失誤，就會扣兩次分。所以教練編排花式嘅時候亦都要跟據運動員嘅成功率去進行調整。

#跳繩 #花式跳繩 #JumpRope #RopeSkipping #ALLIANCE