跳繩好處：六種花式鍛練彈跳力

跳繩係一項全方位嘅訓煉，包括肌肉力量、耐力、平衡、協調以及心血管健康等等。你亦可以透過跳繩多種唔同嘅花式提高你嘅彈跳力。 跳繩如何幫助您跳得更高？ 跳繩係一種涉及向心和離心肌肉收縮嘅運動。 可以幫助增強垂直跳躍同令您更安全咁著地。 跳繩涉及下半身多個肌肉群組，例如股四頭肌、腓腸肌同比目魚肌等。呢啲肌肉對於跳躍非常重要。 因此，透過跳繩可以幫助您跳躍高度上取得優勢。 此外，跳繩亦會鍛練腳踝周圍肌肉，幫助您承受著地嘅衝擊。 提高垂直彈跳高度對各種運動都至關重要。例如籃球、排球、跳高、跳遠等需要高彈跳力嘅運動項目。 跳繩係幫助提高彈跳力嘅最佳方法之一。 但所有運動一樣，需要循序漸進，並以適合您個人能力嘅方式進行。 無論您是跳繩新手定還是經驗豐富嘅跳繩者，以下分享幾個值得了解嘅跳繩花式。

---

1. 雙腳前跳 雙腳跳係跳繩最入門動作，你需要掌握跳起嘅時機同高度，配合雙手揈繩。你可以將呢個動作加入速度變奏(Single Bounce / Double Bounce)，提高手腳協調。 2. 單腳跳 提高平衡、協調性同垂直彈跳能力，提高小腿力量及增強腳腕穩定度嘅好方法。但注意，呢個係進階動作，對初學者有一定難度及風險，建議先練習雙腳跳令腳腕有足夠穩定性再開始嘗試。 3. 二重跳 如果您想提高速度、協調性、時機同整體跳躍能力，二重跳係一個十分好嘅選擇。 需要跳得夠高，配合雙手加速，落地前揈繩兩次。但要注意避免腳向後摺起或上身向前傾代償。 可以鍛鍊你嘅爆發力，將訓練強度大大增強。 4. 單車步 同高抬腳接近，可以鍛鍊你的核心和臀部。 單車步顧名思義同踩單車一樣，雙腳交替著地，盡可能地將膝頭抬高，通常目標將大腿同地面平行或者更高，但注意唔好將小腿向後接。 5. 三重跳 雙腳用力跳起，將繩揈三次。一般開始嘗試三重跳嘅跳繩者已有一定嘅技術基礎及體能，可以將以上動作連續完成並串連。希望集中鍛練跳躍高度嘅人士呢個時候時可以將繩更換成較輕嘅速度繩，集中注意跳繩嘅高度，避免因為繩重而阻礙訓練計劃。

---

跳繩可以增強人體各個部位，增加垂直跳躍嘅爆發力、協調性及整體高度。 越嚟越多運動員將跳繩添加到佢地日常鍛煉當中，因為跳繩訓練包括好多提高垂直跳躍高度和爆發力所需的動作，對提升運動能力大有幫助！ #jumprope #ropeskipping #跳繩 #花式跳繩 #ALLIANCE